14.05.2015

ბაზისბანკმა ჟურნალ „აგრო ბაზისის“ პრეზენტაცია გამართა

ბაზისბანკმა ახალი აგროჟურნალ „აგრო ბაზისის“ პრეზენტაცია გამართა.

ბაზისბანკისთვის ერთ–ერთ პრიორიტეტს აგრობიზნესის დაფინანსება წარმოადგენს: გაიცემა აგროსესხები ადგილობრივ ფერმერებსა თუ აგრობიზნესში დასაქმებულ პირებზე, მათი მეურნეობის განსავითარებლად. აღსანიშნავია, რომ ბანკი მონაწილეობს სოფლის მეურნეობის სამინისტროს მიერ შემუშავებულ „შეღავათიანი აგროკრედიტის პროექტში“. ამ მიმართულებით სასესხო პორტფელმა 27 მლნ ლარს გადააჭარბა.

ბაზისბანკი არა მხოლოდ აკრედიტებს აგრობიზნესს, არამედ ბიზნესმენთა საინფორმაციო მხარდაჭერაზეც ზრუნავს. სწორედ ამის დასტურს წარმოადგენს, ბანკის ახალი აგროჟურნალი „აგრო ბაზისის“ გამოცემა. ყოველ კვარტალში გამოვა ჟურნალის ახალი ნომერი, საინტერესო და რაც ბაზისბანკისთვის დამახასიათებელია - სასარგებლო სტატიებითა და ილუსტრაციებით დატვირთული.

მოგეხსენებათ, ბაზისბანკის ისტორია 22 წელს ითვლის. ამ ხნის მანძილზე, მან სტაბილური, სანდო და პროგრესული ბანკის იმიჯი დაიმკვიდრა. ბანკის დიდ გამოცდილებას ახალი ინვესტორის, უმსხვილესი ჩინური კონგლომერატის, ჰუალინგ ჯგუფის დიდი ფინანსური რესურსიც დაემატა.

ბაზისბანკი მუდმივად განაგრძობს ზრუნვას მომხმარებლებზე და მათი ინტერესების გათვალისწინებით, უამრავ სასარგებლო პროექტს გეგმავს და ახორციელებს.

 
Search
© 2011 ბაზისბანკი. ყველა უფლება დაცულია.